Nú er lokið kortagerð fyrir Flugdeild Landhelgisgæslu Íslands og verða kortin formlega afhent síðar í vikunni.
Kortin eru sérútbúin með þarfir þyrlusveitarinnar í huga, þar sem búið er að draga fram þá þætti sem auka öryggi þeirra í flugi. Þar má helst nefna staðsetingu fjarskiptamastra og raflína. Einnig var útbúið viðamikið safn gönguleiða, þar sem í eru yfir 1400 gönguleiðir víðsvegar um landið. Gögn frá fjarskiptafyrirtækjunum og öðrum sem hafa fjarskiptamöstur í sinni umsjón, þrefölduðu nær fjölda fjarskiptamastra úr opnum gögnum. Að auki voru gögn frá Sjómælingum Íslands sett inn á kortin þar sem vitar, baujur, dýptarlínurlínur og annað í sjó er gert sýnilegt, en slíkar upplýisngar nýtast þyrlusveitinni við leit á sjó. Stefnuvitar fyrir blindflug eru einnig á kortunum ásamt fleiri þáttum sem nýtast þyrlusveitinni sérstaklega.
Með því safni upplýsinga sem eru á kortunum hefur verið útbúið sérhæfð kort, þar sem sjónarmið flugöryggis, leitar á landi og leitar á sjó eru sameinuð í eitt kortasafn.
Skjáskotin hér að neðan sýna helstu þætti kortanna þar sem umræddar upplýsingar koma fram á kortinu.
 Hafsvæði í kringum Ísland nær á kortunum frá Grænlandi til Færeyja. Dýpislínur, sæstrengir og landhelgislínur. |
 Sæstrengir og landhelgislínur |
 Baujur og sker, merkt með táknum í samræmi við sjókort Sjómælinga Íslands |
 Vitar með þeim litageirum og merkingum frjá Sjómælingum Íslands. |
 Aflagðir vegir sem auðvelda löggæslustörf á hálendinu í baráttunni við utanvegaakstur. |
 Raflínur gerðar mjög áberandi í kortinu, og aðgreining gerð á milli bæjarlína og burðarlína |
 Fjarskiptamöstur gerð áberandi í kortunum. |
 Gönguleiðir. |
Kort sem þessi, til notkunar í flugsveit LHG, innihalda gríðarlega mikið af gögnum frá ýmsum aðilum og þeim bera að þakka sérstaklega auk þeirra aðila sem hjálpuðu til við gagnaöflun og ráðgjöf við kortagerð.
Landmælingar Íslands – Grunnkort IS-50V
Sjómælingar Íslands – Dýptarlínur, örnefni í sjó, baujur, vitar og önnur sjókortagögn
Veðurstofa Íslands – Hæðarlíkan jökla
Raunvísindastofnun Háskóla Íslands – Hæðarlíkan jökla
Tetra á Íslandi – Staðsetning fjarskiptamastra
Slysavarnarfélagið Landsbjörg – Staðseting fjarskiptamastra
Loftmyndir – Ráðgjöf við kortagerð
Míla – Staðsetning fjarskiptamastra
Vodafone – Staðsetning fjarskiptamastra
Ísavia – Staðsetning fjarskiptamastra
Rúv – Staðsetning fjarskiptamastra
Landsvirkjun – Lega raflína, Staðsetning vindmyllna
Landsnet – Lega raflína
Orkubú Vestfjarða – Lega raflína
Rarik – Lega raflína
Orkuveita Reykjavíkur – Lega raflína
Fiskistofa – Veiðisvæði, lokanir og hólf
Félagar í Hjálparsveit Skáta Reykjavík – Söfnun Gönguleiða
Þórhildur Önnudóttir – Ráðgjöf við kortagerð.
